ఆ తేదీ

By Kruthika Mantha

తెల్లవారితే……

ఓ కొత్త తేదీ

ఆ తేదీ

-సంభ్రమాశ్చర్యాలను కలిగించవచ్చు

ఆ తేదీ

-వేకువ జామునే వేదన పలకరించవచ్చు

ఆ తేదీ

-వేయికనుల చెలికై ఎదురుచూపులకు తెర పడవచ్చు

ఆ తేదీ

-వందల ఉద్యోగం ప్రయత్నాలకు ముగింపు పలకవచ్చు

ఆ తేదీ

-జీవితాన కోలుకోలేని దెబ్బ తగలచ్చు

ఆ తేదీ

-జన్మకు తోడుండే బంధం దొరకనూవచ్చు

ఇవేవీ కాక

నేటిలాగే రేపూ గడవచ్చు

కొందరికి కేవలం తేదీ మారుతుంది

మరికొందరికి తేదీతో పాటు జీవితమూ మారుతుంది.

రేపు ఏమైనా రానీ, ఏమైనా కానీ!

కనురెప్పలను కలిపి

ఆలోచనలను ఆపి

ఈ నిద్రతో

రేపటి కొత్తదనానికి…

ఒక చిన్న తెరిపి!!!

By Kruthika Mantha