આટલો ભેદભાવ કેમ

By Keya Trivedi

છોકરો જન્મે તો ખુશી જતાવવાની

ને છોકરી જન્મે તો વાત છુપાવવાની

આટલો ભેદભાવ કેમ ?

છોકરા ને તો હું ખૂબ ભણાઈશ

છોકરી ને ૧૦ મુ ભણી ને સાસરે સજાઈશ

આટલો ભેદભાવ કેમ ?

છોકરો મારો ઘર ની શાન

છોકરી એટલે જલ્દી થતુ કન્યાદાન

આટલો ભેદભાવ કેમ ?

છોકરા ને માથે રોજ મુગટ ને

છોકરી ને માથે અડધો ઘૂંઘટ

આટલો ભેદભાવ કેમ ??

છોકરા ને બનાવ્યો શહેજાદા

ને છોકરી ને શીખવાડી મર્યાદા

આટલો ભેદભાવ કેમ ?

છોકરો દિવસ માં ગમે ત્યાં ભટકે ને

છોકરી ના પગ દરવાજે જ અટકે

આટલો ભેદભાવ કેમ ?

છોકરા કમાવા જાય તો પરિવાર નું સન્માન

છોકરી કમાવા જાય તો પરિવાર નું અપમાન

આટલો ભેદભાવ કેમ ?

છોકરા નો ઊંચો અવાજ મર્દ ની નિશાની

છોકરી જવાબ આપે તો " ક્યાંય નહિ ટકવાની "

આટલો ભેદભાવ કેમ ?

છોકરો જન્મે તો ખુશી જતાવવાની

ને છોકરી જન્મે તો વાત છુપાવવાની

આટલો ભેદભાવ કેમ ?

જરૂર છે સમાજ એ સોચ બદલવાની

નહીંતોનદીનાપાણીમાંડૂબીમરવાની

By Keya Trivedi