देशा म्हज्या

By Namrata Salelkar

देशा म्हज्या देशा तूं कितलो रे महान..

तुज्या खातिर लढले झुझारी लावून पणाक प्राण.

आमचे आयचे फुडारी रक्तान भागयतात तान.

देशा म्हज्या देशा तूं कितलो रे महान..

तुज्या खातिर लढले झुझारी लावून पणाक प्राण.

.

तुवें आमकां दिली समानताय

आमी वाडयली दुस्मानकाय

तुवें दिले हिंदू, किरीस्तांव...

आमी एकामेकाक घाले घाव...

देशा म्हज्या देशा तूं कितलो रे महान..

तुज्या खातिर लढले झुझारी लावून पणाक प्राण.

.

तुवें दिले कॄष्ण, सीता-राम

आमी विसरले तांचें काम...

इतिहास तुवें घडयलो...

आमी पांयानीं तो माड्डीलो..

देशा म्हज्या देशा तूं कितलो रे महान..

तुज्या खातिर लढले झुझारी लावून पणाक प्राण.

.

तुवें दिले दोंगोर पांचवेचार

झाडां मारुन केली काबार..

व्हांवतात वझरे न्हंयो साबार

केलो दुषित उदकाचो बाजार

देशा म्हज्या देशा तूं कितलो रे महान..

तुज्या खातिर लढले झुझारी लावून पणाक प्राण.

.

सोपुत आमचो घे आता

सांडची ना अशीं हीं रगतां

मागणे एकुच तुका मागता

तूं राव आमच्या सांगाता..

देशा म्हज्या देशा तूं कितलो रे महान..

तुज्या खातिर लढले झुझारी लावून पणाक प्राण.

By Namrata Salelkar