गर्भांतलें बाय...
By Namrata Salelkar
मम्मा ये मम्मा...
देवादयेन हांव तुज्या कुडींत, खोशी आसा...
देवादयेन हांव तुज्या कुडींत, खोशी आसा...
पुण म्हाका एक सांग गे मम्मा,
कालामेरेन तिसरे खेपे आवय जावपाची आसा...
म्हण म्हजी तोखणाय करताली...
तिसरे खेपे आवय जावपाची आसा...
म्हण म्हजी तोखणाय करताली
आनी आज दोतोरकाकागेर वचून येतगीर...
अशी दुखेस्त जांवन कित्याक बसल्या...
हं...आता कळ्ळें तिसरेंय बायच जातलें...
हें तुका कळ्ळें तर...
तिसरेंय बायच जातलें हें तुका कळ्ळें तर...
मम्मा, म्हाका भंय दिसता...
तुज्या कुडींत, तुज्याच रगतामांसात,
वाडील्ल्या तुज्या अपुरबायेक...
तूं नाच्च करुन उडोवपाचो...
विचार बी करना मगे???
मम्मा, एकदाच सांग गे तूं...
तशी करचीना म्हणून...
मम्मा, एकदाच सांग गे तूं...
तशी करचीना म्हणून...
हांव ह्या जगांत येवचे न्ही म्हण...
तू दोतोरकाकागेर वचून...
जें वखद घेतली ताणे...
म्हजो जीव कासावीस जातलो
हांव घुस्मट्टलें...
म्हज्या् माणकुल्या हातांनीं...
हांव तुका आडांवक शकना...
कमराक तुज्या वेंग मारूंक शकना...
मम्मा, उपकार करून म्हाका..
वाचय गे...
उपकार करून वाचय...
ह्या इल्ल्याश्या कळयेक...
फुलूंक दी...
तुज्या आंगणात पांयजणां घालून...
छुम छुम असो आवाज करीत...
नाचपाची म्हाका इत्सा आसा...
तुज्या आंगणात पांयजणां घालून...
छुम छुम असो आवाज करीत...
नाचपाची म्हाका इत्सा आसा...
जाणां मम्मा. देवाक...
जण एकल्यागेर वचपाक जमचेना...
म्हण ताणें आवय तयार केली...
आनी ती तूं आवय म्हाका नाच्च...
करतली गे???
चलो जाल्यार तूं सांबाळतली...
आशिल्लीच मगे???
मागीर आता कित्याक भिता??
चलो जाल्यार तूं सांबाळतली...
आशिल्लीच मगे???
मागीर आता कित्याक भिता??
हुंड्याखातिर??? ना ती वेळ...
हांव तुजेर हाडूंक दिवचेना...
हांव म्हज्या पांयार उबें रावतलें...
हांव म्हज्या पांयार उबें रावतलें...
मागीर...म्हज्या हाताक मेंदी लागतली...
हांव व्हंकल जावन चिमणेवरी...
भुर्र्करून उडून म्हज्या घरा वतलें...
हांव व्हंकल जावन चिमणेवरी...
भुर्र्करून उडून म्हज्या घरा वतलें...
चलो हो घराचो दिवो खरो...
चलो हो घराचो दिवो खरो...
त्या दिव्यान घर लखलखता जायत...
पुण चलीय उजवातेपरी, आपल्या...
वासान घर परमळायता...
पुण चलीय उजवातेपरी, आपल्या...
वासान घर परमळायता...
मम्मा, आता पुरो...
चड विचार करीत बसनाका...
हांवे म्हणील्लें खरें...
हांवे म्हणील्लें खरें...
पुण नाकात तीं पांयजणां...
नाकात भांगरा शिंगरां...
दोनुय दिदीचे पोरने कपडेच...
घालूंक म्हाका आवड्ट्ले...
दोनुय दिदीचे पोरने कपडेच...
घालूंक म्हाका आवड्ट्ले...
चलोच जाय ह्या हट्टान...
चलीभुरग्याचो गर्भ...
पोटांतल्या पोटांत मारुनाका...
हो न्याय न्ही हें पाप आसा पाप...
हो न्याय न्ही हें पाप आसा पाप...
एकदाच मेकळो स्वास घेवूंक..
दी गे मम्मा...
वाचय गे मम्मा...
म्हाका मारुं नाका गे...
मारूं नाका...
म्हाका मारुं नाका गे...
मारूं नाका...
By Namrata Salelkar
Comments