Vo Pehla Pyaar

By Anam Fatma

Is zindagi ki bhaag daud mein hum aksar kho jaate hai ,

Par vo pehla pyaar hume humesha yaad reh jaata hai .

Vo pehli baar dekh kar uski aankhon mein kho jaana ,

Washroom ke bahane uske class ki khidki se jhaankna.

Dil mein kuch toh tha tumhare liye par hume samajh nahi aata tha ,

Uski aankhein bhi kuch toh batati thi maano uske dil mein bhi yahi chal raha hota tha .

Tumhe dekhte hi ajeeb si kashmakash hoti thi ,

School jaane ki wajah hi ab alag thi .

Annual day me tumhara vo pehli baar ' Hi’ kehna ,

Ghabrahat ke maare mere sharir ka kapkapana.

Itni saari baatein karni thi tumse,

Par dekhte hi na jaane kya ho jaata tha .

Main kya kahun ,tum alag the sabse ,

Jabse pehli baar dekha tha crush tha tumpe tabse,

Dheere dheere baatein hone lagi ,bottles fill karne ke bahane mulakatein hone lagi .

School me saath aur phir tuitions bhi saath jaane lage .

Pehle pyaar ki baat hi kuch aur hoti hai ,

Nadaan aur masoom the hum vo yaadein badi pyaari hoti hai .

Annual day ho ya annual sports sab se zyada hume khushi is baat ki hoti thi,

Ke uske saath bitaane ke liye ab waqt zyada mil jayenge.

Tab na Instagram tha na WhatsApp,

Raat me bas yahi bechaini thi ke kab hogi subah aur kab hum jaayenge school.

Savings se gifts dena ek dusre ko pehli – pehli baar,

Tuition bunk karke kahi ghumne jaana pehli – pehli baar.

Hum sab ko pehle pyaar ki baatein humesha yaad rehti hai ,

Farq itna sa hai kisi ki mukammal ho jaati hai aur kisi ki adhuri reh jaati hai.

Sab theek hi tha phir achanak usne sheher badal diya ,

Batana zaruri bhi na samjha aur pal me hi paraya kar diya.

Waqt guzarta gaya ,sab sudharta gaya ,

Vo mujhko bhulata gaya par mujhe toh vo baar baar yaad aata gaya .

Maana pyaar dobora ho hi jaata hai phir se kisi se qismat takra hi jaati hai ,

Par janaab mano ya na mano pehle pyaar ki baat hi kuch aur hoti hai.

By Anam Fatma