Usne Kya Hi Jiya

By Arnav Singhal

https://youtu.be/eh3sYSkMHFU

jab apni reshmi zulfon ko sehlaati thi tum

bagh me lage hue ped bhi shayar ban jate the

jab tumhare labon se wo meethe geet sunte the hum

to uss ped pe bethi koyal bhi tumse jalti thi

tootte taaron ko dekh kar jo chamkan tumhari aankhon me aati thi

usse dekh kar taaro se bhi khoobsurat lagti thi tum

jab apni shararti si muskaan ke sath tum hasti thi

to dil ki dhadkan utni hi tezi se badti thi

jab pehli bar tune apna hath mere balon pe phera tha

jab pehli bar teri bahon me mera rooh samaaya tha

waqt kuch tham sa gaya tha

unn lamho ki yaad aaj bhi mere aasuon ko hasa deta he

kya sahi tha tujhse mohabbat karna ya galat

dard to tha dukh bhi tha me roya bhi aur mene kuch khoya bhi

par tere se ishq jisne nahi kiya usne kya hi jiya

saans to sab lete he par jisne tumhari suhaani khushboo me nahi li usne kya hi jiya

By Arnav Singhal