Umeed-E-Zindagi

By Sudha Kumari

Umeed-e-zindagi kuch aur nahi

Bas saath tumhara hai

Tumhare aane se mere dagmagate se Jeevan ko

Mila ek majboot sahara hai

Gham-e-dastaan thi meri zindagi

Aur kuch uljhe the kahin tum bhi

Yeh mila …yeh milan kuch aur nahi

Khuda ki batayi humari khusiyon ka kinara hai

Ishq-e-dastaan kya bayaan karu humari

Ishq-e-dastaan kya bayaan karu humari

Ke Safar-e-muhabbat ki kahani kuch yun hai

Naye se ishq ki rawani kuch yun hai

Ek roz k ittefaq mein

Dosti k nakab mein

Hume mile the us mausam-e-bahaar mein

Who pahli nazar ka pyaar nahi

Tha pahle pahal aetbaar nhi

Kuch khokar dono baithe the

Kuch tha musalsal yaar nahi

Par kuch to tha…

Ek afreen sa mukhra tha

Tuta hi shi do dilo ka behad khubsurat sa tukra tha

Phir kya… hum mile aur milte rahe

Ittefaq-e-silsile badhte rahe

Maknatisi si zor se kismatein jurte rahe

Ye un fimi pyaar ki kahaniyon sa tha kuch

Kuch aisa jo sath bandha hai humne

Nazre churane se pahle

Chulbula sa bachpan banta hai humne

Saath muskurane se pahle

Ek dusre k ansuon ka pitara banta hai humne

Ek duje k shikayaton mein

Dil ki farmaishon mein

Ek chota hi sahi

Do dilon ka bhut khubsurat sa safar sajha hai humne

Umeed-e-zindagi kuch aur nahi

Is safar ko mukammal banana hai

Is saade se Jeevan mein

Tumhara haath pakar kar mujhe indradhanush k

Sare rang sajana hai

Phir ek din isi indradhanush ko tham kar

Tumhare sath ek alag duniya basana hai

Jaha na dard hai na pyaas hai

Bas pyaar se bhara ek zamana hai

Bas pyaar se bhara ek zamana hai

By Sudha Kumari