Tum Mujhe Sambhal Paaoge Kya? …….

By Nitika Khulbe

Mein sharte nhi ,

Umeede rakhti hu

Mein waada nhi

Sirf wafa mangti hu

Mein baatein kai karti

Lekin use zyada dil mein rakhti

Mein hasti bahut , magar kai baar udaas rehti

Apnapan sab ko dikhati

Par andar hi andar ghutti rehti

Samjhati sabko mein bahut kuch

Lekin mein kisi ke samjh nhi aati

Apni kahi baton ko hi mein yaad nhi rakh paati

Apne ehsaaso ko samet nhi paati

Sahi aur galat ko kai baar mein pehchan nhi paati …..

Mein ladkharati bahut hu

Toh kya tum mujhe sambha paaoge

Haatho mein paseena bahut aata , kya phir bhi haath tham paaoge ….

Mein na bahut mushkile khadi kar deti

Use zyada galtiya kar deti

Choti choti baton ko dil pe laga leti

Aur zakhmo ko apne andar hi dafnaye rakhti

Kai dafa khud ko hi samjh nhi paati

Kya uss roz tum mujhe samjhoge

Mujhko mujhse roohbaru karwa paaoge

Mujhse ishq karne ki himmat kya tum phir bhi juta paaoge …..

Aasan toh bilkul nhi hoga

Par kya tum mere khatir yeh sab kar saakoge

Mere aankho mein base sapne ko haqikat mein pura hota dekhna chahoge

Mera udaas chehra padh sakoge

Kya tum mujhko samjh paaoge ……

Mein tut bahut jaldi jaati

Kya mera bharosa tum jeet paaoge

Uss roz jab mein sehma mehsus karungi

Toh kya mera saya ban paaoge

Jab mein samay par khana khana bhul jaaungi

Tab kya tum

Mummy ki tarah daat kar ya phuslakar mera pet bhar sakoge

Mein na logo ki baton mein badi aasani se uljh jaati

Tab kya tum mujhe mere papa ke, jaise logo se bacha paaoge

Jab kabhi humare beech kuch bhi uljha hoga

Kya tum use suljhane ki koshish karoge …….

Kuch zyada hi umeede laga leti hu mein

Kya meri ummedo pe khade rakhoge tum

Mujhe apna maan sakoge tum

Mujhe parivaar ka ehsaas karwa paaoge tum

Kya meri chintao ko samjh paaoge tum

Mujhko mere khatir behtar banaa chahoge tum

Jab mein haalato ko dekh kar bhagne lagungi

Tab kya mera haath pakad , saath mein haalato ko par kar paaoge tum

Mujh jaise panne ki

Syahi ban sakoge tum

Kya sach mein tum mujhe sambhal paaoge …….

By Nitika Khulbe