Tum Bhi, Mai Bhi....

By Samyam

tum bhi khamosh ho,

mai bhi bezubaan hoo,

tum bhi madhhosh ho,

mai bhi hosh me kaha hoon,

itne arson k baad,

tumhe dekh raha hoo,

tumhari qurbat me hote huye bhi,

tumse door abhi bhi baitha hoon,

yun baithe baithe bas,

usse, har pal mai

shikayatein karta jaa raha hoo,

par inhi shikayato me chhupi,

tujhse phir milane k liye, uska

shukriya ada bhi kar raha hoon,

itne lamhe jo maine tere bina gawaye,

usme agar tu hoti to kaisa hota

ye bhi soch raha hoo,

par jo hua uski marzi thi,

tu phir mile

aisi meri us tak kitni hi arzi thi

jo aakhir aaj, poori huyi....

inhi sab khyaalo me dooba

beech me abhi bhi hai

jo kuchh dooriyan bachi,

unke door hone ka

intezaar hi

ab bas

main kar raha hoon...

By Samyam