Teri Yaadein

By Mehul Soni

Soch me pada tha jab aankhein meri chaundh uthi,

Hasti hui si meri zindagi bhi mujhse roothi,

Pada pehla khanjar jab dost bhi hue paraye,

Jal gaye saare sapne, jo the mene sajaye.

Khakh hogaye jo sapne dil me leke aaya tha.

Pagal tha me, jo jahan badalne aaya tha.

Kehta raha aaja chale ham sath me.

Kaatein pade hai yaha, manzile nahi paas me.

Mujhe chalna hai door nahi rukna agle kinaare,

Ye duniya bhi jitunga me, dekhna tere sahare

Aage hai andhera,

Nahi dikhta koi nazara,

Jana hai door,

Jaha hoga bas tera sahara.

Chodunga tera sath,

Jab rukegi ye saans meri.

Tere sath rehne se hi ab,

Puri hogi aas meri.

Itne waade jo kiye the hamne sath me,

Ye toh pehli adchan aayi hai jindagi bhar ke sath me.

Yaha na haar himmat ab chal mere sath me,

Jeet lenge saari duniya ko bhi, jo tere hath rahe mere hath me.

Par aisa na hua, tera bharosa dagmaga utha.

Andheri raat me, jabse hai ye sath chutha.

Akela reh gaya hu is duniya ki bhagdad me.

Dost, pyaar or pariwaar, sabhi chuthe teri nafrat me.

Tabdeel hogayi meri hasi khaamoshi ki aag me.

Maatam ke shor sunayi dete hai, meri jindagi ki raag me.

Aashiq toh nahi tha par kaafir abb ban gaya.

Tere sath hone ke saare khwaab leke jal gaya !

Dard toh hua bohot, par angaar me aaj kood gaya.

Teri yaadein hui raakh… Or me dhuaan banke ud gaya !

By Mehul Soni