Suryaast

By Vaishali Neotia

Tim Tim karte taarey

Antariksh se kare isharey Neele ambar ke taley

bethe he do dil Bhaley

Charo taraf dekhli

Hariyali hi hariyali

Koyal ki koo aur kauye ki kau Dheemi hogayi jaise suraj ki lau Suraj hua naarangi

Megh ko kiya satrangi

Aasmaan rangon se dhula hai Dhanush indra ka pura ghula hai megh mein chehro ko dhoondhe chitra baney lehron ki boonde Tiddi ullu sab shor

machaye Zor se jab tak bhor na aaye Gupchup gupchup baadal Taaron pe daale Aanchal

Shaanth hogaya yeh Jahaan Na tumne na maine kuch kahaa Raat ke iss andhere mein Chamgaadad gaye dere mein Chand Bhi kahin yun chhipa hai Nazar aaye toh badi kripa hai Dharti saansein le rahi

Thandak humein de rahi

Pashu Pakshi ab so gaye Iss sannate mein hum kho gaye Haath nahi tum thaamoge Toh rooh ko kaise jaanoge Kaynat bhi keh rahi hai

Sach hai rooh yeh deh nahi hai Bas parey tha Keeya dikhawa ki ghar se aagaya bulawa Kal shaam ko phir milenge Shayad Dil deke dil lenge Tim Tim kartey taarey

Sab dekhen aur muskuraye

By Vaishali Neotia