Suno! Main Chahti Hun Tum Udo.

By Soni Singh

SUNO! Mai chahti hun tum udo,

Neele aasmaan me befikri ke pankh lagaye tum khoob udo

Fir apne manchahe rang se apne aasmaan ko

Apne rang me rang do.

SUNO! Mai chahti hun tum udo.

Tumhari aankhon me tumhare sapno ki chamak ho,

Tumhe khud tumhari kismat likhte dekhna chahti hun.

Aur kisi ko bhala ye haq kyun ho?

Apne bediyon me lipte huye kadam suno tum zara bahar to nikalo

Ye gagan bhi tumhare kadmon me jhukega,

Koi roke to sabko peeche chor udh jao bus

In hawaon se apni kahani kaho to zara,

In baarishon ko apni mutthi me bharne ki koshish to karo

Us titli aur jugnu ko dekhte huye

Tumhari aankhon me jo Roshni hogi

Use dekhna chahti hun mai.

In hawaon se baatein karo ye tumhare kaano me Dheere se gudgudakar,

Befikri se udne ka hunar tumko sikhayengi.

Tum samaj ke dayre me kyun uljhi rehti ho?

Janti hun ki logon ko khalegi tumhari azaadi,

Kyunki ye dekh nahin sakte ek aurat ki azaadi ko

Ye dekh nhi sakenge tumhe is unche gagan me udhte huye

Ye dekh nhi sakenge tumhe tumhaare sapno ko jeete huye

Haan jaanti hun mai ki mushkil hoga safar

Par tum darna mat tum bas apne pankh lagana

Or is khule aasmaan me aur uncha udti jana

SUNO! Mai chahti hun tum udo

Neele aasmaan me befikri ke pankh lagaye tum udo

Fir apne manchahe rang se apne aasmaan ko apne rang me rang do

SUNO! Mai chahti hun ki tum bus udo.

By Soni Singh