Sheeshe Sa

By Tanuj Sagail

Sheeshe sa tha mai. Khud ko smbhalkar,

chipakar sahejkar logo se bachakar rakhta tha

Sheesha tha par darta nahi tha

Logo ko chubh na jau par ye jarur sochta tha

Sheesha tha hatho me thehar jata tha

Aaina nahi tha islie sahi chehra nahi dikhata tha

Mai sheesha tha aksar tootjata tha

Toot te toot te chakna choor ho gaya

Aur wo sheesha kae logo ke dil se door ho gaya

Mitti me mila dia gaya wo sheesha

Aur Mitti se milte milte na jane kab pathar ho gaya

Ab chot khane se nahi darta hu

Aur kisi se nahi bachta hu

Mai ek naye rang me rang gaya hu

Suno ab mai pathar ban gaya hu

Maje se uchalta hu, kahi bhi bhatkata hu.

Jo dekh kar nahi chalte unko pairo me lagta hu

Thokre lagti mujhse to ab is baat ka mujhe fark nahi

Mai jo tha wo kho gaya, Jo hu uspr tark nahi

Suno ab mai pathar ban gaya hu

Ab mai Sheesha nahi..

By Tanuj Sagail