Sach-Jhuth

By Akansha Goyal

https://youtu.be/C0jPZ5Fq17o

Kya jhutha, kya saccha,

Sahi wahi jo dil ka acchha.

Jhuth sach ki aag mein tapte bas rishte hain,

Par kya acchhi neeyat se kahe jhuth

Kadwe sach se bhi acchhe hain?

Sach jhuth ki tulna mein faayda kaho kiska hai,

Chilla chilla kar jisne jhuth sajaaya,

Ya woh jo chuppi saadhe sach liye khada hai?

Kaun kiska kitna hai ye kahaan pata chalta hai,

Yahaan toh insaan hi insaan se jalta hai.

Sach jhuth sab mein saath dene par bolein wafa hai,

Arre chhoro, yahaan toh zara sa bura hone par hote rab se bhi khafa hain!

Kehte hain aate mein namak jitna jhuth chalta hai,

Aisa hai, namak agar zyaada pad jaaye toh gale se neeche nahi utarta hai.

Jhuth bhare kisso mein koi na koi hamesha mara hai,

Par kya kabhi ye suna ki sacchi kahaaniyon se kisi ka mann bhara hai?

Ab kaun kise kya samjhaaye,

Jhuth sach ka fark batlaaye?

Jiske liye jo acchha,

Woh hi sabse sachha hai!

By Akansha Goyal