Saare Jahan Se Achcha Hindustan Hamara ?

By Azhar

Yaha na gareeb ka pet bharta hai.. na kissan ka ghar basta hai..

Naam me aur kaam me log mazhab dhundte hai...

Insaan me insaan nahi.. jaat dekhte hai..

Phir bhi log kehte hai.. Saare Jahan se achcha Hindustan hamara!

Kabhi bebasi logon ki jaan leti hai.. toh kabhi sadak ke gadde..

Sarkar toh sirf har 5 saal ka intezar karti rehti hai..

Padhe likhe ho ya Anpadh.. sab apne dharam guru ki sunke andhe hojate hai..

Aur kehte hai.. Saare jahan se achcha Hindustan hamara!

Yaha bachche bhi bikte hai aur ladkiyan bhi..

Rape ke khabar toh har roz aate hai..

Ladkiyon ke pehne hue kapdon pe, aur ghumne ka waqt pe ilzaam lagate hai log hamare..

phir bhi kehte hai.. Saare jahan se achcha Hindustan hamara!

Na Aurat ki koi izzat, na unki jaan ki zamanata hota yaha hamara..

Phir bhi log kehte hai.. Saare Jahan se achcha Hindustan hamara!

Bachpan me toh matlab nahi jaanta tha..

Aaj ye sab jaankar bhi.. abhi ye nahi keh sakta .. Saare Jahan se achcha Hindustan hamara!

By Azhar