Raatein

By Fatema Rajkotwala

Mann chaahi ye raatein hai

Akelapan nahi balki self-love sikhati hai

Kuch alag hi pyaar ka ehsaas dilati hai

Khidki mese jhaak ke dekho toh ye puri duniya apni si lagti hai

Jaise zulfo se khelte hue,

Yeh hawaye kuch keh rahi hai

Baarish ki tim timahat,

Maano dil me utar rahi hai

Khushi ki ek alag gudgudi hoti hai

Muskaan toh jaise chehre se chipak hi jaati hai

Kaale ghane badal

Aur peeche bajti dheemi romantic dhun

Kya kahu..

Bas har lamha jeene ka mann karta hai

Zindagi ke sath theher ke,

Uske har pal ka lutf uthane ka jee karta hai

Meri uljhi lato ko

Ungliyo se suljhane ka mann karta hai

Yeh raat badi suhani lag rahi hai

Ise khud tak hi rakhne ka jee kar raha hai

Jise koi aur na cheen sake...

Mera lamha bas main hi jee saku..

Kya batau ye raatein kaise hoti hai...

Kabhi aasuo me beh jaaya karti hai...

Toh kabhi bas, self-love sikha deti hai!

By Fatema Rajkotwala