Prayaanam

By Parvathi Chandrabhatla

పరవళ్ళెత్తుతున్న నా ప్రాణానికి ప్రతీ పరిచయం పరుగులు పెడుతున్న నాకు అదో పరవశం అడుగులు తడబడినా ఆగదు నా ప్రస్థానం.. నాతో నాకున్న నీడే నా సాయం

.అలలుగా అల్లుకున్న కలలకు తోరణం

నేను ధైర్యంగా వేసే ప్రతీ చరణం

అలసిన నా మనసుకు ఆకాశమే ఓదార్పు

సొలసిన నా శరీర నిప్పులకు నేల తల్లే నిట్టూర్పు

అలుపు లేని పిలుపులెన్నో విన్నా

మరువ లేని తలపులెన్నో కన్నా

కనుల ముందు కదలిన కథలు

ఎందరితోనో పంచుకున్న వ్యధలు

ఈ ప్రపంచ అందాలలో చిక్కుకుంది నా పయనం

ప్రకృతి పులకరింతలలో నొక్కుకుంది నా ప్రణయం

ఎటో దారి తెలీరుని నేను నడవగలనా ఈ తీరం వదిలి

దూరమెంతో తెలియని ఈ ప్రయాణంలో చేరుకోగలనా నాకై వేచి ఉన్న మజిలీ

By Parvathi Chandrabhatla