Paisa Kahi Bikta Nahi

By Siddharth Bhoot

https://youtu.be/90uoVTZTU_4

Halaat hi kuchh yun badal gaye,

Ab samjhaute se kaam bhi nahi chalta,

Kaise sahara de khudko jab,

Bina roti ke har din hain dhal jata,

Har taraf mehengai ki kyun ye tabaahi hain,

Ye paisa kahi bikta kyun nahi hain...

Paisa jitna aaye, dugna kharch ho jaaye,

Kya kabhi ek aam aadmi se sawaal ye puchha hain,

Uske liye aaj bhi ek rupaiyye ka mol,

Amreeki sikke se kai guna zyada hain,

Ye kaagaz ka tukda inn hatheliyon mein tikta kyun nahi hain,

Ye paisa kahi bikta kyun nahi hain...

Ameer ko kya nuksaan jab,

Gareeb hi gareeb hua jaa raha hain,

Ek vo mazdoor hi hain jo nange paau apna aashiyana dhoondhta,

Meelon chala jaa raha hain,

Saari mashakkat karta kyun vo raahi hain,

Ye paisa kahi bikta kyun nahi hain...

Iss ladaai mein hum sab saath kaise,

Daulat hain jiski vo to bhagwan se bhi darta nahi hain,

Jo sota hain inn sadkon par,

Apne parivaar ke liye har roz marta vahi hain,

Oonch-neech ki ye deewaar tootti kyun nahi hain,

Ye paisa kahi bikta kyun nahi hain...

Kehte hain log,

Roti-kapda-makaan ho agar to aur kya chahiye,

Lekin aaj ki taarikh mein,

Dava-shiksha bhi to zarooraton ki bani parchhaai hain,

Ye haath ka mail sabke naseeb mein kyun nahi hain,

Ye paisa kahi bikta kyun nahi hain...

Khud ke dum par ghar ko vapas chalana hain,

Kab tak koi doosra mujh par rehem ki bheekh barsaayega,

Lekin ghar se bahar nikle bhi to kaise,

Paisa mere apno ki jaan bhi to nahi khareed paayega,

Kyun duniya samajhti hume galat aur inhe kyun sahi hain,

Ye paisa kahi bikta kyun nahi hain...

Iss daur mein hum sab akele to nahi,

Har koi iss museebat se joonjh raha hain,

Sabke saath se hi fateh payenge hum iss par,

Ye waqt humse boojh raha hain,

Aaj ye sangharsh faila kyun har kahi hain,

Ye paisa kahi bikta kyun nahi hain...

Khair, ghar mein apno ki seva naa sahi,

Samaaj seva kar paraayo ko apna bana hi sakta hoon,

Gumnami mein kisi besahaare ka kandha banke,

Chehre par uske do pal ki muskan to laa hi sakta hoon,

Aakhir jeena yahi aur marna bhi yahi hain,

Kyunki ye paisa kahi bikta nahi hain...!!!

By Siddharth Bhoot