Paisa

By Akansha Goyal

https://youtu.be/QLIvpVUZ04g

Jitna mile, lage utna hi kam,

Kabhi kabhi toh kam bhi karde gham.

Kuch dikhe na saaf, lage mail jaisa,

Dhan, jaydaad, daulat, aisa hai ye paisa.

Apno se paraaya karde, paraayon ko saga sa,

Aisa lage jaise khoon ne hi khoon ko thaga sa.

Rishton ko bhi karde majbur,

Bhai ko karde bhai se dur,

Kuch aisa hai paise ka suroor.

Woh chaen ki neend laaye,

Dil ka sukoon hi de jaaye,

Duniya mein sab bikta hai na?

Paise se kaho khareed ke dikhaaye!

Daulat aur shauhrat walo ko duniya salaam karti hai,

Ek baat batao, woh salaami kitna aaraam deti hai?

Yahaan jo kamaaya, woh kitna kaam aaya?

Kabr mein saath soya ya kandha dene aaya?

Uparwale ko kitna chadaaya,

Unhe ye nazar nahi aaya,

Tu kitni shiddat se milne aaya,

Unko toh bas itna bhaaya.

Paise ke peeche bhaagte bhaagte kitna kuch gavaaya,

Baatne ke liye hi koi na mila toh kya khaak kamaaya!

Apno aur paiso ko bhi tab aazmaaya,

Jab chita par tha aur koi aag dene na aaya!

By Akansha Goyal