Naari Ki Paribhasha

By Aditi Pareek

Naari ki paribhasha batane aaya tha wo mujhe,

Per na jaane un Mardon ne kya kaha ki usne mujhse kuch baat na ki

Kehne aaya tha ki tu bojh hai dharti ka, Pita ne bs itna kaha ki guroor hai wo mera

Kehne aaya tha tu kamjor hai ae naari, Bhai ne btai thi bachpan ki ladai apni he jubaani

Kehne aaya tha tera koi wajood nhi, Pati ne kaha mera sansar isse he

Kehne aaya tha tu dhul hai sabke pairon ki, Bete se itna suna ki is dhul se to meri dharti bani

Kehne aaya tha shakhtiheen hai tu naari, Per bhul baitha tha Kaali ka roop hai ye naari

Kehne aaya tha tu kisi kaam ki nhi, Per yaad na thi use apne janm se jawani ki kahani

In sabhi baaton mein bs ek baat jag-jahir thi

Naari ki paribhasha jaane ki zarurat mujhe nhi use khudko thi

Naari prakrati ka swaroop hai

Janmdayini hai, buddhidhatri hai, kamarupini hai

Janm se maran tk kisi na kisi roop mein saathi hai

Ardhnarishwar bhi naari ke bina adhure hai

Asli mardon ne is sacchai ko bahkhoobi jana hai, Unhone Naari ka haath har haal mein thama hai

Aaj un sabhi purushon se usne ek baat to sikhi thi

Naari shabh ki paribaash ki kai bhashae hai, per Purush aur Naari ek dusare ke bina adhure hai

By Aditi Pareek