Mohabbat

By Gaurav Mahadole

Is kadar mohabbat kita kiye

Ke saja me dard-e-jahaan paaye;

Saja ko anjaam dete hue wo surkh muskuraaye

Aur hum khushnaseeb gumnami me shikwa bhi na kar paaye

Is kadar parwaan tha unke ulfat ka

Ke tamaam jahan ko hamaare khoon-e-jigar ke jaam pilaaye;

Fikr karte hai keh hame anginat tukdo me bata kiye

Aur mohabbat se un tukdo ko nosh farmaaye

Tamaasha-e-jahaan me fikr ka manzar dikhaaye

Aur dua me hamaare mout ke farmaan sunaaye;

Is kadar khush hui ye duniya tamaasha-e-mohabbat se

Ki une har iljaam-e-mohabbat ki saza hume dilwaaye

Humaari ulfat ke liye hum is kadar nawaaze gaye

Ke ilzaam-e-mohabbat me humaare har tukde ko fana kiye;

Unke mohabbat ki gehraayi dekhiye, ki iske iljaam bhi hamaare hi nazar kiye

Ae Parvardigar! Imaan ke khatir humne har vaar sarakho par liye

Is anjaam-e-mohabbat ke chalte hum khud se bekhud hue

Itne ki humaare kaatilo ki salaamati ki dua kiye;

Jamaane ne bhalehi hume paagal karaar diye

Par maa ki nazro me hamesha ke liye shaheed hue

Tarasti rahi rooh ehsaas-e-yaar ke liye

Bas gayi tamaam akho me arzoo noor-e-nazar-e-yaar liye;

Itnihi iltaja kiye rooh-e-katil se

Aakhe na khaye, ye tadapti hai deedar-e-yaar ke liye

Ye anjaam-e-mohabbat dekh jahannum bhi sharmaaye

Ke in khayaalo se anjaan mohabbat jhulasti jaaye;

Aur khuda bhi ye manzar dekh itna hi keh paaye

Ae mohabbat tere anjaam pe rona aaye

Ae mohabbat tere anjaam pe rona aaye

By Gaurav Mahadole