"Mobile Mukine"

By Jasmina Shah

મોબાઇલ મૂકીને કોઈવાર આમ,

આંટો મારવાને આવજો.

ગેમોની રમત છોડી,

સંબંધોની સુવાસ લેવાને આવજો.

વોટ્સઅપ - ફેસબુક છોડી,

સુખ દુઃખની વાતો કરવાને આવજો.

જૂની વાતોને મેં માળિયામાં ચઢાવી છે,

એને હેઠે ઉતારી તાજી કરવાને આવજો.

ઓકે, થેન્કસ, બાયના મેસેજ છોડી,

રૂબરૂ ચડશા-ચડશી કરવાને આવજો.

બાળપણની વાતોને યાદ કરી,

મિત્રો ખડખડાટ હસવાને આવજો.

સમય બદલાયો છે,

સંજોગ બદલાયા છે...

તમે અને હું એના એજ છીએ,

સાબિત કરવાને આવજો.

મોબાઇલ મૂકીને કોઈવાર આમ,

આંટો મારવાને આવજો.

By Jasmina Shah