Mithaas

By Rishabh Kandari

Tu rehna yunhi kuch khaas si zara,

Meri khushi ke sacche ehsaas ki tarah.

Kuch aise zaroori hai tu, Kya kahoon,

Meri chai me jaise mithaas ki tarah

Tu zehen me mere aawaz ki tarah,

Tere bin har pal upwaas ki tarah.

Teri kami hai khalti har pal tujhse door,

Meri chai me jaise mithaas ki tarah

Tu work-week me mere ravivar ki tarah,

Tujhe sochun to hans dun har baar ki tarah.

Tera hona hai jeene ki aas ki tarah,

Meri chai me jaise mithaas ki tarah

By Rishabh Kandari