Meri Daastaan

By Mehul Soni

Apni hasi ki khoj me tha,

Jab teri muskaan me kho gaya.

Wo kashish teri, wo ada teri,

Ye sehma sa dil bhi machal gaya.

Mene likhi apni daastaan,

Jisme tu meri or me tera ho gaya.

Jab uss kitaab ka panna palta,

Meri zindagi ka har lamha badal gaya.

Agle panna par likha tha,

Mat karna prem sooraj se jal jayega,

Mat karna prem chaand se wo dhal jayega,

Dharti me sama kar ret ban jayega,

Hawa ke sahare raha, to pret ban jayega !

Aankhein khuli toh gyaat hua,

Ki teri aankhon ki aanch se, teri baahon ki sheetalta se,

Tere dil me sama kar, teri khushbu ko apna kar hi toh meri hasi paas aayi thi.

Tu hi mera sooraj, tu mera chaand, tujhme or tujhse hi toh zindagi raas aayi thi.

Ye hi daastaan thi meri… Kuch iss tarah, meri aakhri saans mere paas aayi thi !

By Mehul Soni