Me Khudse Milna Chahata Hu!!

By Viransh Shah

Me, khudse milna chahata hu,

Khud ko, auro se pehle janna chahata hu.

Seher ki iss bheed me, khudko dhundana chahata hu,

Me khudko, khudse milvana chahata hu.

Apno se milkar, khudko bhul raha tha,

Par ab apne aap k liye milna chahata hu.

Auro k liye, aab khudko badalna nahi chahata hu,

Me khudke liye, khudsa banna chahata hu.

Ab, kisiki khushi k liye khud tutna nahi chahata hu,

Ab sirf apne aap ko jodna chahata hu.

Aaine me aab, khudse juth nahi bolna chahata hu,

Khudse chupai un sabhi baato ko, khud bolna chahata hu.

Me aab, apne aap ko harana nahi chahata hu,

Ab khudse, khudki khushi baatna chahata hu.

Logo k saath to bahot waqt guzar liya,

Aab khudke saath, bethna chahata hu.

Bahot se kisse sune logo se unke apno k,

Ab khudse, khudke kisse baatna chahata hu.

Bahot logo ko, sambhal chuka hu,

Ab khudko, kaske gale lagana chahata hu.

Me khudko, ab rok nahi sakta,

Kyuki ab to me khud; khudse milna chahata hu...

By Viransh Shah