Maut Ki Fikr

By Anam Fatma

Koi gehri neend se uthake naam puchle,

Toh honth kaanpne lagte hai humare.

Jab vo qabr me maut ki neend se uthakar pehchan puchega tab kya haal hoga humara .

Jeene ki badi hasrat rehti hai humari ,

Aise jeena hai waise jeena hai.

Kya kabhi waqt nikal ke socha hai ke marna kaise hai ?

Duniya mein bhale hi ghar ,gaadi rutba aale darje ke honge ,

Magar kuch kaam na aayega jab tum dafan honge .

Khandan aur saathi sab tumse rukh mod jaayenge,

Jab aap is duniya se humesha ke liye chale jayenge .

Kya bharosa hai maut ka agla pal hai bhi ya nahi ,

Jinse baatein Hui thi abhi abhi kya pata phir unse baat karne ko taras jaayenge .

Yeh duniya se dil na lagaye ,yeh toh bas aarzo hai ,

Duniyaavi cheezon pe ghamand karne walon ,

Bhulo mat ek din qayamat aane wali hai.

By Anam Fatma