Marathi Poem - Sukh Chaaya

By Anagha Kulkarni

ओसाड रान काटेरी बाभुळ वृक्षांनी सजले

अन निवडुंगाचा सदरा लेउनी खिन्नसे हसले

वाटेवर माझ्या इकडे कोणी ही फिरकत नाही

या खोल उदासपणाच्या रंगात रंगले दिसले

रणरणती दुपार सांगे ही आग बोचरी आहे

काटेरी निवडुंगाची बघ वाट साजरी आहे

पण वा-याची दाहकता कोणाला सोडत नाही

मातीचा कण ही आता आगीवर आरुढ आहे

देठाची झाली काडी तलखीने ती ही सुकली

रानाच्या हिरव्या ओल्या ती आठवणींना मुकली

धरणीला पडल्या भेगा थोडी ही ओल न येथे

पाण्याच्या थेंबासाठी अवघी अवनी आसुसली

हे ऋतू चक्र काळाचे की फासे कालपटाचे

ग्रीष्माची लाही लाही मग मेघनाद वर्षेचे

रंगात रंगले हिरव्या ओसाड रान काटेरी

दुःखाच्यामागेसुखहेभाकीतअटळजगताचे

By Anagha Kulkarni