Kya Itna Aasan Hai Ek Ladka Hona

By Aakriti Jain

Khul kar apne aansu nahi dikhata

Har pareshani me mazboot ban kar hai rahta

Sabse hamesha yahi sunn kar chup ho jaata

“ Band kar ladkiyon ki tarah rona dhona”

Kya itna aasan hai ek ladka hona

Zimmedari ke chalte apne sapno ko chodh deta hai

Duniya ki nazar me uthne ke liye din raat mehnat karta hai

“Beta to bilkul nakara hai” ke taane se darta hai

Bhool jaata hai din ka chain or raat ka sona

Kya itna aasan hai ek ladka hona

Ladki par haath uthata hai to badtameez bola jaata hai

Ladki agar haath uthaye to namard bola jaata hai

Lekin wajah koi nhi chahta sunna

Kya itna aasan hai ek ladka hona

By Aakriti Jain