Khud Ko Khali Rakhna

By Priya

ki bahut jaruri hai Khud Ko Khali Rakhna dimag ko Gair-Jaruri Khayalon Se bachakar Khud Ko bekhayali Rakhna

per Khud Ko Khali Rakha Kaise Jaaye dimag ko bekhayali Rakha Kaise jaaye ki jo Sach Hai use acchi Tarah Se jaankar Ke Khud Ko jabran Samjha kar Nahin,Dil Se usey man Karke

ki Jindagi se Jaane Walon Ko Dil se jaane dekar ke

Jindagi Mein Aane Walon Ko Dil mein aane dekar ke

Jin Baton ka Dukh Aaj Bhi Hai Un per Jee Bhar Kar Ro Lene se

jo Hasil karna chahte ho uska Beej Bo Dene Se

Ki Jaise Gandi Keechad Mein Koi Saaf Kamal

rahata Hai

Keechad mein hi rahata hai per Keechad Se Alag rahta hai

wse hi Har Rishte,Har Naate Se Koi ummid

Rakhna Chhod Do

Bahti Nadi Mein Hath dhona aur jaldi Aanch per hath sekana Chhod Do

ki Sabki Apni Jindagi hai isliye tum bhi apni Jindagi se matlab rakho

Haqeeqat ko Samjho,Hakikat Mein Jiyo,Khud Ko Na Kisi Ko gaflat Mein rakho

Ki Har Koi Jaanta hai Khali Hath Jana Hai

Na Kuchh sath Lekar Aaye They na Kuchh

Sath Le Jana Hai

per ye Baat ab Itni common Hai Ki Sab Bhul hi jaate Hain

Jindagi Hamen Jhula jhulati hai aur aakhir me hm jhul hi Jaate Hain

ki kaun si Daulat,kaun si Nafrat,kaun se

Rishtey Sath Le jaaoge

ki Kuch purane Karam Sath laye They Kuch

naye Sanskar Sath le jaaoge

par iss aane aur jaane se chhutne ke liye

Purana hisab chukta karna hoga

Na Kisi Se Jyada Lagav,Na hi Kisi Se Badle Ki

Bhawna ko Rakhna hoga

ki Khud Ke Liye faislon per Khud Ko kosna chhodna Hoga

sari galtiyon ka theekra Khud per hi fodana

chhodna hoga

Ki Har Faisla,Har Farman uss Waqt ki hi

jarurat Thi

Jab Jaan jaaoge to Man jaaoge ki vo bhi

Khuda Ki hi mohlat thi

Ki Jo Ho Gaya so Ho Gaya ab beetey Waqt se

bahar nikalo

Aaj Ka Suraj Dekho, aaj ke Hawa Mein Jiyo,

aaj ki dhoop mein Sikalo

Ki Aane Wale Waqt Ka kahan Kisi Ko Kuchh Pata hota hai

Hamare Hath pair Marne Se Bhi Jyada Kuchh Nahin Badalta Sab Kuchh Pahle Se taysuda

Hota Hai

to aaj main rahakar, aaj me jeekar, Aaj ko hi to

Safal banana hai

apni khoobiyon Aur khamiyon Ke Sath

Hamen Khud Ko hi to apnana hai

Ki upar wala kisi ko bhi Banakar Kabhi Bhul

Nahin Jata Hai

Uske Ghar Der Se Hi Sahi per Savera Jarur

Aata Hai

Hamen use Savere ki Roshani ke liye Khud Ko

taiyar karna hoga

Uski rahamate pane ke liye Khud Ko

Hoshiyar karna hoga

Na Kisi Gum Mein Rote Rahana Hoga,Na Kisi

Khushi Mein bahakate Rahana hoga bus upar wale ke Sajde Mein Khud Ko

Mahakte Dena hoga

Apne dimag ko sare Jaruri,Gair-Jaruri khyalon Se hatakar Khud Ko bekhayali

Rakhna hoga

bus isi Tarah Se Hi To Hamen Khud Ko Khali

Rakhna hoga

sirf thodi-si hi koshishon se hme Khud Ko

Khali Rakhna hoga.

By Priya