Khaki Vardi

By Akshay Kadam

मनात माझ्या वसते कुणी एक गोड

फक्त तिचाच विचार फक्त तिचीच ओढ

वाटते आपल्या मिठीत असावी परी ती

पण सजते त्याहुन गोष्ट एक अंगावरती

दोहींतून एकीची निवड करणे आहे भाग

स्वप्नामध्ये रमण्यापेक्षा स्वप्नपूर्तीस जाग

उठवून नजर दिमाखात मुठ्ठी आवळल्या

क्षणीक आनंदाच्या टोपल्या लाथाडल्या

वेदना त्रास कटु अनुभव झेलण्या तयार

हळवे मनाचे झाले आता कठोर अवजार

आधार घेत बहरल्या वेल्या नाजूक वेगा

रोप उमलले नशीबाचे देत खडकास भेगा

सुटत गेला विश्वास संगे अपयशाचा त्रागा

मनातली तिला मिळवण्यास निश्चयाचा धागा

तिच्या करिता काहीही हट्ट बनला दर्दी

मनात जी वसली ती आहे खाकी वर्दी

By Akshay Kadam