Kannada Kavithe Ravi

By Ravi N

ಕನಸೊಂದು ಬಂದಾಗ ಕನಸೊಂದ ಕಂಡಾಗ ನಾ ನಿನ್ನ ಕಾಣುವಾಸೆ

ಒಮ್ಮೆ ನಿನ್ನ ಕಂಡಾಗ ಬೆಚ್ಚಿ ಬೀಳುತಿದ್ದ ಮನವ ಮತ್ತೆ ಪಡೆವಾಸೆ

ನಿನ್ನ ಮುಗದಿ ಮಿಂಚಂತೆ ಕಾಣ್ತಿದ್ದ ನಗುವನ್ನ ನಾ ನೋಡುವಾಸೆ

ಮಾಗಿ ಹೋಗಿಹ ಮನವ ಮರುಕಳಿಸಿ ಪಡೆವಾಸೆ

ಈ ಎಲ್ಲಾ ಆಸೆಗಳ ನಡುವೆ ನಾನಾರೆಂದು ಅರಿವಾಸೆ

ಪುಟ್ಟ ಮಗುವಿನ ನಗುವಷ್ಟು ನಿಷ್ಕಲ್ಮಶ ನನ್ನೀ ಮನ

ಅರಿವಿಲ್ಲದೆ ನೀ ನನ್ನ ನೋಡಿದ ಆ ಕ್ಷಣ

ತಿಳಿಯದೆ ಆಯ್ತಲ್ಲಾ ನಮ್ಮೀ ಮನಸ್ಸುಗಳ ಮಿಲನ

ನಗಬಾರದಿತ್ತು ನೀನಾದಿನ, ಬರಬಾರದಿತ್ತು ನನಗೀದಿನ

ನಗೆಯ ಅಲೆಗೆ ಸಿಕ್ಕಿ ಕೊಚ್ಚಿ ಹೋಗಿದೆ ಮನ

ಕಳೆದು ಹೋಗಿರುವ ಆ ನನ್ನ ಮನ ಮರಳಿ ತರುವುದೇ ನಿನ್ನನ್ನ

ತಂದರು ತರಬಹುದು ಮತ್ತದೇ ನಿನ್ನ ನೆನಪನ್ನ

ಬಾಡಿ ಹೋಗಿರುವ ಬಳ್ಳಿಯಂಥಾಗಿದೆ ಮನ

ದಯಮಾಡಿ ತರಬೇಡ ಮತ್ತೆ ಅವಳ ನೆನಪನ್ನ

ಹುಡುಕಾಟದ ಗುಂಗಲ್ಲಿ ಮರೆತಿರುವೆ ನಾ ನನ್ನನ್ನ....

ಅರ್ಥವಾಗದ ಬದುಕು ಕಟ್ಟಕಡೆವರೆಗೂ....

By Ravi N