Inlying_thoughts

By Pooja Raghuwanshi

1. Magroor

Bdhi pehchaan ho gai hai yaar se apne,

Ki us cheej ko ab na-cheej kahu

Toh acha nahi lagta..

Soya rehta hai kambakht chain se bechaini mein meri,

Aur mere sukoon ka khyaal

Usko acha nahi lagta..

Kehta to wo bhi hai zaalim,

Ki bhool jau use,

Magar uska ye jawab

Dil ko sachcha nahi lagta.

Raah dekhta fir bhi hai dil,

Ki lautega ek din wo magroor,

Magar us ek din ka intzaar,

Dil ko achcha nahi lagta.

1. Makaan.

Sochte hai fir kabhi milna ho unse.

Bas ek dafa sahi

Par milna ho unse..

Milne k phle khud se kuch sawal hai

Unse bhi lene kuch jawab hai..

Puchte hai khud se,

ki

Jo takraoge kbhi pehli dafa,

Door jaane ke baad

Dekhoge ya yunhi nikal jaaoge.

Fir mudhoge ya fir chodh jaaoge.

Kuch kahoge ya zubaan siyein rahoge.

Meri aankhon me fir apna aks dekhoge,

Ya mere aansuo par fir has doge.

Zakhm taaje hai ya bhar gaye,

Marham likhoge ya smjhoge ki hum mar gaye

Zinda laash se dikhenge to kya karoge?

Nabz jaanchoge ya bas dua pdhoge.

Jo jeete huye dikhe to muskruaoge kya?

Jo khusiyo ke makan khaali pdhe hai,

Unhe fir se bhar paoge kya..

Kisi aur ghar ke ho gaye

Ya mere ghar fir se laut aaoge kya?

Fir se ummed jagaoge?

Ya in andhero ko,

Aur kala kar jaaoge kya?

1. Patjhad.

Wo khud sulajh kar ,

Kis uljhan mein uljha gaye.

Na wob khud suljhaenge

Na suljha sakega aur koi,

Is patjhad jo khyalo ke pedh se

Patte ban girenge khyaal unke,

Aur honge dhool ban dafn zamee(n) mein

Na wo unhe uthaane aaenge,

Na uthaega aur koi.

1. Raqeeb

Sheshe sa bikhra ke

Berahmi se chala jaata hai,

Mehboob mera,

Rehta khyaalo mein hai,

Chhalak aankhon se aata hai,

Mehboob mera,

Karta fareeb bhi hai

Aur raqeebo se bhi milaata hai,

Mehboob mera.

1. Ittra

Har baat feeki si hai,

Meri girebaa(n) par nahi

Ab koi ittra tera,

Fikra toh mujhko bhi teri hai,

Bas ab zubaan par nahi

koi zikra tera.

1. Saga

It was your short saga,

Who misunderstood itself as a memoir.

You gave it the ache

That will never heal;

You wrote it,

While holding some frothed emotions

And a jar of evanescent ink.

First you made it cozy and warm,

Later, Oh Darling,

You left it in an unknown yard.

The wind tore it,

The sky could descry the pain,

But You never looked back.

1. Greed

Once I got it,

I wanted something else,

It’s a never ending circle,

Yeah, it never ends

I live.

I yield.

I gain.

I die.

It goes on and on,

It never matter,

What I want.

1. Jaal

Usne shabdo ka jaal kuch aesa buna,

Uska har shabd meri rooh me bikharta chala gya.

Meri har saans baawri si ho,

Uski saanson me ja mili,

Mera har zarra mujhse toot kar

Usme simat-ta chala gya,

Jaal hi toh tha wo,

Phle wo mujhe neele aasma(n) sa laga

Phir dhere se mere saare rang le gya.

1. Seerat

Ho kya tum?

Dil aur diamg se jaate hi nahi

Har karwat par saath sote ho,

Lekin subha ko nazar aate hi nahi.

Ho kya tum?

Siyaahi se ghule ho?

Ya khaali kitaab se ho?

Har panne par bikhre ho tum hi,

Fir kyo nazm se saamne nazar aate hi nahi.

Ho kya tum?

Jo bhi ho,

Bdhe la-jawab se ho,

Aankhon me nami bhi de jaate ho,

Aur rulaate bhi nahi

Ho kya tum?

Har pal saath ho jaise,

Har lamhe se tumhari baat ho jaise,

Paas ho kar bhi kareeb aate hi nahi.

Ho kya tum?

Jo bhi ho,

Bdhe fankaar se ho,

Hasi bhi de jaate ho,

Aur gudgudaate bhi nahi.

1. Silwatein

Raaz dafan hai silwato mein mera

Malaal karwato ko bhi

zara der se hoga,

Mere jazbaato ko junoon jara der se hoga,

Meri rooh ko sukoon zara der se hoga.

Ishq roya pdha hai,

Sirhaane tale mere,

Uske dil ko aitbaar

Zara der se hoga..

By Pooja Raghuwanshi