Ik Kahani

By Anmol Hans

ਮੈਂ ਗੱਲ ਕਰਦਾ ਉਨ੍ਹਾਂ ਖੁਆਬਾਂ ਦੀ,

ਜੋ ਨਾਲ ਤੇਰੇ ਮੈਂ ਵੇਖੇ ਨੇ।

ਮੈਂ ਗੱਲ ਕਰਦਾ ਉਨ੍ਹਾਂ ਜਵਾਬਾਂ ਦੀ,

ਜੋ ਤੇਰੇ ਕੋਲੋਂ ਮੈਂ ਉਡੀਕੇ ਨੇ।

ਨਾ ਸ਼ੁਰੂ ਗੱਲ ਹੋਈ,

ਨਾ ਤੇਰੇ ਵੱਲ ਹੋਈ,

ਕੁੱਝ ਇਹੋ ਜਿਹਾ ਈ ਦਸਤੂਰ ਹੋਇਆ।

ਨਾ ਫ਼ੇਰ ਅਸੀਂ ਮੁੜੇ,

ਨਾ ਹਾਲਾਤ ਜੁੜੇ,

ਤੇ ਫ਼ੇਰ ਮੇਰਾ ਯਾਰ ਮੈਥੋਂ ਦੂਰ ਹੋਇਆ।

ਮੈਂ ਉਡੀਕਾਂ ਉਸਨੂੰ,

ਮੈਨੂੰ ਸਮਝਣ ਲਈ,

ਖੌਰੇ ਕਿਹੜਾ ਝਾਕਾ ਮੈਨੂੰ ਰੋਕ ਰਿਹਾ।

ਕਿਉਂ ਅਸੀਂ ਦੁਬਾਰਾ ਮਿਲੇ ਨਹੀਂ,

ਸ਼ਾਇਦ ਉਹਨੂੰ ਮਿਲਣ ਦਾ ਨਾ ਸ਼ੌਂਕ ਰਿਹਾ।

ਮੈਂ ਰੋਕ ਰਿਹਾ ਖੁਦ ਦੇ ਹੰਝੂਆਂ ਨੂੰ,

ਜੋ ਉਹਦੇ ਲਈ ਅੱਖਾਂ ' ਚ ਆਉਂਦੇ ਨੇ।

ਗਵਾਹੀ ਭਰਦੇ ਨੇ ਉਹਦੀ ਮੌਜੂਦਗੀ ਤੇ,

ਬੀਤੀਆਂ ਯਾਦਾਂ ਨੂੰ ਵਾਪਸ ਲਿਆਉਂਦੇ ਨੇ।

ਫਰਕ ਤੇ ਪੈਂਦਾ ਏ ਉਸਦੇ ਨਾ ਹੋਣ ਤੇ ਵੀ,

ਪਰ ਖੁਦ ਨੂੰ ਠੀਕ ਦਿਖਾਉਂਦਾ ਹਾਂ।

ਉਹ ਆਵੇ ਜਾਂ ਨਾ, ਮੈਨੂੰ ਪਤਾ ਨਹੀਂ,

ਪਰ ਹੋਰਾਂ ਸਾਹਮਣੇ ਅੱਜ ਵੀ ਆਪਣੀ ਉਡੀਕ ਨੂੰ ,

ਮੈਂ ਬੱਚਿਆਂ ਵਾਂਗ ਲੁਕਾਉਂਦਾ ਹਾਂ।

ਮੈਂ ਅੱਜ ਵੀ ਉਹਦੀ ਉਡੀਕ ' ਚ,

ਆਪਣੇ ਹੰਝੂ ਛੁਪਾਉਂਦਾ ਹਾਂ ।

By Anmol Hans