HOJA MOJA KWA MOJA - By Doreen Cyprian

Written By: Doreen Cyprian

Category: Poetry

Competition: Global Poetry and Creative Writing Competition 2026

Doreen Cyprian, writing under the name HOJA MOJA KWA MOJA, presents a compelling poetic piece titled "HOJA MOJA KWA MOJA" in the Poetry category for the Global Poetry and Creative Writing Competition 2026. This participation showcases her nuanced exploration of societal dynamics and personal reflections, offering a rich tapestry of thought and introspection. The poem invites readers into a world of complex themes and vivid imagery, reflecting on both the challenges and simplicities of life.

About the Work

"HOJA MOJA KWA MOJA" is a powerful poetic expression that delves into societal issues and personal introspection. The poem's evocative voice and rhythm engage the reader in a dialogue about the complexities of human behavior and societal norms. Its rich imagery and thoughtful commentary create a reflective mood, encouraging contemplation on the intricacies of life and the importance of understanding and unity.

HOJA MOJA KWA MOJA

Original Submission by Doreen Cyprian

HOJA MOJA KWA MOJA.

Kiduchu na kiduchu huzaa maradufuu,

Fununu za kasuku nimezisikia hadi huku,

Ni marufuku kumshuku au kujuzuu sumbufu,

Utapewa laana bila ruzuku ufukuzwe fukufuku,

Maneno nimeyasikia nipeni yenu ruhusu,

Nitazame nami nione chochote nichangame,

Nichangie hoja moja kwa moja tusibaguane.

Mmeleta hoja lukuki ngoja nizimenyemenye,

Za kutenga nizikusanye njema nizisemeseme,

Pwagu na pwaguzi si ndugu wa damu au ubini,

Wamejaa usaliti, ubishi, ubadhaifu na ufitini,

Mwingi wa ugambanishi, kashfa na maswaibu,

Simtaki hata awe mtu wa karibu hata shaibu,

Tutoke huku kuna wengi sana wana gubu.

Sijui nianze na lipi la kwanza jepesi na rahisi,

Lipi ambalo litazima kelele na kuamsha ushawishi,

Sitaki kabisa magumu yatazua uchonganishi,

Uchungu, kufungua vifungu na sheria za shari,

Ubinafsi na ubabe wa nguvu, hali na mali,

Ngoja nitafakari nisikurupuke kutia nanga hatari,

Nitafute hoja rahisi, nyepesi zisizo na machachari.

Kuhusu uchumi hali ina wazisha na inachekesha,

Hivi hii si hoja ngumu mbona kama najichomesha,

Sina hakimu wala mwana sheria wa kukodisha,

Lakini kama jirani anayo mali kwanini tusikubali,

Kwanini tufwate mali katikati ya visiwa na bahari,

Wakati tunaweza nyoosha mkono na kufwata ugali,

Kwa uharaka na kwa kutumia yetu ndogo nauli.

Huku kugumu tayari nishazua kivumbi na taharuki,

Mimi na bunduki siyo wangu rafiki wala yangu itifaki,

Ghasia za kutumia risasi na maji washi si njema harakati,

Kukwepa sheria na kutumia nguvu kudhuru raia,

Wenyewe kwa wenyewe bila haki tunalipiana visasi,

Acha tu, nichague vyepesi vyepesi visivyo na ukakasi,

Haya magumu yenye upana niwaachie wana harakati.

Upuuzi ndio shibe ya wengi kwenye hii dunia,

Wenye akili hawapendi wanabaki kujinyamazia,

Hata wao nao wanaenda na trend kupotezea,

Wakiwauzi wanampandisha, wanavujisha fedhea,

Ili tu msahau machugu na maumivu ya yao mijeledi,

Muone weledi usiyo na mantiki umejaa ufisadi,

Afrika aliyetufelisha tumpatie laana ya Maisha.

Ngoja niongelee mapenzi vitu vya enzi na enzi,

Wenzi, mahaba ya vibwenzi na nazi mkwezi,

Ufunguo moja ukifungua milango mingi pongezi,

Lakini mlango ukiwa na funguo nyingi maongezi,

Uhalali ni hali kana kwamba hiyo hali ni shwari,

Kusiwepo vielelezo vya nguzo kuweka bayana ilani,

Tukijua heshima tunauwezo wa kuanza upya jirani.

Tuache kupiga kipenga mpira ukiwa nje ya uwanja,

Tufwate sheria zote zilizopitishwa na kandanda,

Eti mmoja anyooke mwingine apewe ruhusu apinde,

Ndio yalivyo yao maumbile tuwaelewe na wavumiliwe,

Usaliti hauna sababu usaliti ni ukosefu tu wa adabu,

Tusifanywe kuwa mabubu na kuendelea kula vibudu,

Jitunze na ujifunze siyo kila mtu anabidi awe wa karibu.

Malezi si uwanja Rafiki kwa wote na wote tunajua,

Lakini haimaanishi tukosee vyote vingine tunavijua,

Ila tunapuuzia kwasababu ya malezi ya kiteknolojia,

Vingi tupate na vichache vitupite kwa faida ya wote,

Utawazii upo kuchangamisha akili siyo kukesha kunakiri,

Kukariri na kudumisha zaidi maendeleo ya kizazi cha pili,

Tulee Watoto kwa njia iwapasayo siyo njia za mitandao.

Sasa hivi tunajua kuna uzazi mgumu na mengi majukumu,

Lakini ulezi ni swala la wote siyo moja ili mpate kulaumu,

Tukikubali kuungana pia tukubali na maongezi magumu,

Umri bado tunawakuza na kuwapa msongo wa mawazo,

Kumbuka, ulimwengu wa sasa si wako Rafiki wala ndugu,

Haujali umri wala maumbile wahi sasa wewe wafunze,

Wajifunze wajue namna gani wajilinde na waepuke.

Vishoka wawagundue na waweze kuwaweka wazi,

Bila hofu bila wasi wasi wakiitwa wajue kusema sitaki,

Tujaribu kusahihisha ambavyo wazazi wetu walivikosa,

Hawakukosea lakini walikuwa na madogo maarifa,

Watoto ni wa wazazi lakini nje wabebe sahihi taarifa,

Tulee wenyewe ili tuepuke lawama na wingi uhasama,

Siwafundishi wazazi bali naongeza mengine maarifa .

Ajira, ajira hili ni fumbo na limezua nyingi gumzo,

Elimu iwe funguo ya wewe kuanzisha chako chanzo,

Kutoa vyenye stadi na siyo kwenye mchoro wa panzi,

Afrika tukijua kujitetea na kujitegemea tutafika hakika,

Kuanzisha vinavyoaminika vyenye ubora usiofichika,

Tutaweza kutatua shida zetu bila nyingi bugudha,

Mimi nimemaliza magumu na mepesi nimewakilisha.

About the Competition

The Global Poetry and Creative Writing Competition 2026, hosted by Hashtag Kalakar, is a prestigious platform celebrating diverse voices in creative writing. It offers participants an opportunity to showcase their literary talents and engage with a global audience. This competition is a testament to Hashtag Kalakar's commitment to nurturing creativity and providing writers with a platform to express their unique perspectives.

We extend our heartfelt thanks to Doreen Cyprian for her thought-provoking submission, "HOJA MOJA KWA MOJA," to the Global Poetry and Creative Writing Competition 2026. Her work contributes to the rich tapestry of voices that make this competition a beacon of literary creativity. We look forward to seeing more of her insightful poetic expressions in the future.

About Hashtag Kalakar

Hashtag Kalakar is a creative platform dedicated to providing artists, writers, singers and other creative talents with opportunities to showcase their work and reach wider audiences through competitions, features and creative initiatives.