Ha Mai Hindustan Hun

By Pathan Samiya Zuber

Kheton ki Shadab Hariyali me

Gehu ki pyari-pyari anmol bali me

Ghar-Ghar Jalte deep-diwali me

Darakht w shajar ki har shakh wo dali me

Mahnat se mahnat ko bota Kisan hu

Ha mai hi hindustan hun

Ha mai hi hindustan hun

Ganga me papo ko dhota snan hu

Mandir ka jaye-gan hu

Lohri ki Jan hu

Dilo me basta labo se kahta rashtragan hu

Eid-Diwali-Christmas ki pooja ki mai Shan hu

Ha mai hi hindustan hun

Ha mai hi hindustan hun

Yaha log firqon me rahte hai

Chahre par Nafrat Dil me Mohabbat rakhte hai

Yaha Sanskrit ka path koi guru Disoza padhate hai

Shirkhurme ka doodh koi Ramu gwala late hai

Yaha dharmo me bate logo ka mai maan hu

Ha mai hi hindustan hun

Ha mai hi hindustan hun

Shiwaji ka mala hu

Manaota ka pujak hu

Sanvidhan ka bhakt hu

Gandhi-ji ka pairao-kar hu

Kalam ka mai Armaan hu

Ha mai hi hindustan hun

Ha mai hi hindustan hun

Barfeeli Ghari wadiyon me

Registan ke Garm loo ke teelon me

Samudra ki uchi lahron me

Tufani jangi hawaon me

Tiranga ko jhukne se bachata Jawan hu

Ha mai hi hindustan hun

Ha mai hi hindustan hun

Jahaz udati Gunjan bhi hu

Shaheed hota Vikram bhi hu

Seva krti Teresa hu

Aazad Bharat ki Dropadi hu

Sardar bhi hu Nehru bhi hu Ashfaqullah Khan hu

Ha mai hi hindustan hun

Ha mai hi hindustan hun

Shunya ka Sanshodhan hu

Dawa batata Charak hu

Sehat banata Yoga hu

Aakash me pohcha Mangalyaan hu

Tehwar Aadar Tahzeeb ki mai Pahchan hu

Ha mai hi hindustan hun

Ha mai hi hindustan hun

By Pathan Samiya Zuber