Ghazal

By Muzammil Bari

Gulshan ko jisne bakhshe* inaam taazgi ke (*gifted)

Hai wo bashar* lekin andaaz hain parii ke (*insaan)

Ye jaam-o-mina, saghar, ye maikadey, ye saqi* (*drink server)

Sikhein hain un nigahon se dars* mayekashi ke (*lessons)

Ye qafiye, radeef-o-bahr-o-wazan ke marey

Sikhein hain sub unhi se asbaaq* shayari ke (*lessons)

Na dekh kar bhi unka yeh dekhna ghazab hai

Badley hai aaj kal wo andaaz berukhi ke

Ab dil ke dharakne ki tarz* hai kuch nayi si (*tune)

Dil jaise cheen laya hai andaaz bhairawi ke

By Muzammil Bari

☺