Ek Haseeñ Ka Nasha

By Mohammad Ali Fatteh

Mile jo ek nasha hume toh aur kya chahe,

Ghazal mein zikra ho unka toh aur kya chahe

1) Ye jaam mujhko maar dega, ilm hai mujhko,

Par wo jo rooh ko pilaye toh aur kya chahe

2) Rago ka khoon bhi fir mushk sa mahek jaaye,

Wo itr dil se lagaye toh aur kya chahe

3) Deewane ho gaye hai hum, ye maante hai magar,

Nashe mein wo utar aaye toh aur kya chahe

4) Hai la ilaaj beemari koi dawa bhi nahi,

Dua mein hum jo yaad aaye toh aur kya chahe

5) Nigaah e lutf toh bazaar mein bikta hai bohot,

Wo nazar mujhse milaye toh aur kya chahe

6) Haseeñ toh husn ki mehfil mein milte rehte hai,

Jo tumsi dil rooba mile toh aur kya chahe

By Mohammad Ali Fatteh