Dosti Hi Nibhaungi

By Jal Naik

Sochti hu ki mere tumse dur jaane par tumne mujhse ek aakhri baar milne ki khwahish kyu jatayi thi?

Sab khatam ho jaane ke baad bhi kyun ek aakhri mulakat ki khwahish zaya kari?

Sochti hu ki duri banayi thi tumne tab mujhse na ek sawal pucha, na zikr kiya kisi baat ka

Sab khatam ho jaane ke baad bhi humare tasveeron ko kyu sawaar ke rakha?

Kyu huyi takleef tumhe jab auron ne mujhe dukh pohchaya?

Kyu hua dard mehsoos tumhe jab mujhe chot aayi?

Puchna chahti hu tumse bas yahi baat

Ki khud duri banane ke baad bhi esa kya juda hai humare bich

Jo na tum jaa paa rhe ho aur na mei jaa saki

Itna pyaar kiya hi kyu tha agar hona tha tumhe yu judha

Khatam karni thi mujhe woh adhuri baatein, saath mei aadhi cup chai aur woh adhuri raatein

Karne the pure woh adhuri sapne jo aksar tumhare liye aur saath dekha karti thi

Shayad mere naseeb mein pehla pyaar likha hi na ho

Jaanti hu ki dobara kisi ke pyaar mai girna ab shayad hi mujhse hoga

Kyunki ab ye aankhein har insaan mei tumhe dhundna chahegi

Sab mei tum aur rab mei bhi tum dikhte ho

Shayad tum se fir mulakat ho

Is baar pyaar mei nahi

Dosti ke vaddein nibhaungi

Pyaar se tumse thoda dur hi shayad rehne sikh jaungi

Shayad mulakat ho tumse agle janam mei kahi

Dosti nibhayenge aur pyaar phir kabhi!

By Jal Naik