Dil Ki Baatein

By Priyamvada Sinha

https://youtu.be/DwU_KEf51RA

Tumhe batana nahi aata,

Mujhe jatana nahi aata,

Kitni mohabbat karti hu tumse,

Yeh dikhana nahi aata

Main janti hu ki tumhe bhi mohabbat hai mujhse,

Kaash tumhe meri tarah chhupana nahi aata

Jab jab sochti hu tumhaare baare ,

toh beintaah mohabbat se aankhein bhar aati hai meri,

Magar un aansuon ka sahara lekar mujhe tumhe apna banana nahi aata

Chahti hu ki tum Jahan raho khush raho,

Aur koshish karti hu ki tumse kahin duurr chali jau,

Lekin tumse duurr jaane ka bahana nahi aata

Mujhe ache se maloom hai ki kya haalaat hai hamare,

Or isliye koshish karti hu ki khud ko hi rok loon,

Lekin kya karoon tumhare pyaar se khud ko bachana nahi aata

Har pal meri duaaon mein shaamil hote ho tum,

Bahut pyaar karti hoon tumse,

Magar mujhe tumhari tarah tumhe satana nahi aata

Sochti hu kabhi kabhi keh doon dil ki saari baaton ko,

Lekin darr lagta hai ki tum kahin rooth na jao mujhse,

Kyuki gar tum rooth gaye toh mujhe manana nahi aata

Dil ke haathon majboor hoon kyuki pyaar hai bahut tumse,

Lekin kya karoon mujhe pyaar

Dikhana nahi aata

Jatana bhi nahi aata

Bas yehi hai ki sirf pyaar chhupana aata hai

By Priyamvada Sinha