Dear In-Laws

By Akansha Goyal

https://youtu.be/M1xGTAAvAHU

Dekho toh kitni kaali hai, lagta hai ubtan nahi lagaati hai,

Are beta kaafi moti ho, lagta hai kasrat kam karti ho,

Job nhi karti, ghar pe baithke humaare bete ka khaayegi,

Padhi likhi zyaada hai? Pakka ungliyon par nachaayegi!

Choti, moti, patli, saanwli - itne nukhs nikaal diye,

Arre dear in-laws, aapne kya customised looks opt kiye?

Itni kamiyaan nikaalke humaara self-confidence thoda ghatega,

Par aapke raja bete ka kya? Aise toh uska vansh bhi aage nahi badhega.

Chalo looks se aage chalte hain,

Kuch aur kaam ki baat karte hain.

Tum ladki badi pyaari ho, apne ghar ki rajkumaari ho,

Toh fir batao dahej, sorry gifts kya dame laa ri ho? I hope khaali haath nahi aa rhi ho.

Arre beti ka kya hai beti toh sab hi dete hain,

Aap saath mein aur kya de raho ho, abhi rishta pakka karte hain!

Dear in-laws, you’re in loss!

Agar shaadi karne ke liye itne hain clause!

Humein paraaya dhan kya bola aapne toh investment ka maadhyam samajh liya,

Shaadi ke naam par galle ki chaabi hi samajh liya!

Aur ye jo aapki aankh ka taara hai,

Jo dikhta kitna bhola bhaala hai,

Aisa koi shareef nahi, shehar ka kona kona naapa isne saara hai!

Chup hokar sune saari baatein, kehdein kuch kya majaal hai?

Humaare aage hi saari zubaan khule, ye toh inki mardaangi ka haal hai!

Hum jo apni aawaaz utha lein, toh maa ne kya khoob sikhaaya hai,

Sasural mein kaise rehte hain ladki ko ye tak nahi bataaya hai.

Dear society,

Aaj bhi bohot ladkiyaan hai jo ye sab sunti hain,

Woh majbur nahi bas maa baap ke sanskaar chunti hain.

Unhone humein bhi bohot pyaar se paala hai,

Ek pal sherni toh duje pal pariyon sa paala hai.

Waise ek taraf toh betiyon ko itna kaabil aur independent banaaya hai,

Toh fir bachpan se usi beti ko adjustment ke naam par compromise kyu sikhaaya

hai?

Ye kuch sawaal hai jo har ladki ke mann mein karte bawaal hain,

Aapko jawaab mile toh bataana zarur,

Aur agar isi category ke ho toh please change laaiye huzur !

By Akansha Goyal