Chitthi Pt1

By Fatema Rajkotwala

Aaj uski chitthi aayi hai..

Nahi..

Prem patra nahi hai

Uske shaadi ki chitthi hai.

Mujhy nyota diya hai

Aur uske neeche likha hai...

"Free rehna, tumhe toh aana hi hai"

Maine bhi mazaak me likh diya

"Teri shaadi ke liye toh khud ki shaadi chor ke aa jaao, chinta mat kar, band baajaa sath me lekar aaungi, aakhir Channa Mereya gaane wala bhi toh koi chahiye na"

Aur usne bhi iss baat pe hass diya

Main khush hu un dono ke liye

Magar phir ye becheni kyu?

Dil me ek halki si ghabrahat kyu?

Inn sawalon me uljhi yeh soch rahi hu

Ke kya hota agar aaj woh mera hota

Shayad aaj meri shaadi ki khabar har jagah hoti

Magar khud hi ke in khayalo ko kaat te hue

Aage badhke ye sochne lagi

Ke main kitna bhi pretend karlu..

Thoda mushkil toh hoga use kisi aur ke sath dekh kar..

Magar main khush hu ke use uski manzil mil gayi

Khush hu ke uska humesha sath nibhane wali ek humsafar mil gayi..

Khair mene toh soch bhi liya hai..

Uski shaadi ke din stage pe uske gale mil ke

Uske kaano me halke se Channa mereya zaroor gaana hai mene..

Shayad woh mera aakhri mauka hoga usse gale milne ka

Shayad ek aakhri acchi mulakaat..

Toh janaab.. uski chitthi aayi hai

By Fatema Rajkotwala