Chhod Dunga Ek Roz
- Hashtag Kalakar
- Nov 7, 2022
- 1 min read
By Shantanu Sharma
Main kuche mein aana tere chhod dunga ek roz
Bas tu yun apne chhajje pe aana chod de
Main sajde karna tere chhod dunga ek roz
Bus tu mujhse nazren churana chhod de
Main behekna tujhe dekh ke chhod dunga ek roz
Bas tu mujhko dekhke muskurana chhod de
Main naghme likhna tere naam ke chhod dunga ek roz
Bus tu chehre ko apne naqab mein chipana chhod de
Main anjuman mein tera zikr karna chhod dunga ek roz
Bas tu meri anjuman mein ab aana chhod de
Main maikhane ki samt jaana chhod dunga ek roz
Bas tu meri gali aake meri tishnagi badhana chhod de
Main shikayat karna teri tujhse chhod dunga ek roz
Bas tu yaadon mein meri ab aana chhod de
Main roothna teri be-niyaazii se chhod dunga ek roz
Bas tu meri aadaton ka yun khayal rakhna chhod de
Main aashiqi bhi apni chhod dunga ek roz
Bas tu meri taslim ka jawab dena chhod de.
By Shantanu Sharma
Comments