Chaha Toh Ek Aashiyana Tha.

By Nandini Shelat

Kaha chaha humne koi mahal,

Ye raste hai na,

Jaha kabhi na thamti chahal pahal.

Chaha toh ek aashiyana tha,

Jaha sukoon mile,

Jo bachpan se sajaana tha.

Khair,abhi toh khaana bhi nahi hai,

Mil jaaye toh jaise,

Jannat naseeb hain.

Kaash hum bhi kise ke dil ke tukde hote,

Agar hote toh,

Darbadar bhatakte nahi rote.

Log humse bhi haskar baat kar lete,

Iss naadaani ki umar mei,

Hum bhi kisi se dosti kar lete.

Filhaal hai toh ye nanha sa saathi,

Kehne ko mera bhai,

Par mere liye meri Maa bhi.

Kaash hum bhi kise ke dil ke tukde hote,

Agar hote toh,

Darbadar bhatakte nahi rote.

By Nandini Shelat