Chaand Pt2

By Fatema Rajkotwala

Aaj kaha kho gaye ho tum?

Kahi dikh nahi rahe?

Kya tum bhi mere yaar jaise bewafa ho gaye ho?

Jo sahi samay aane par sabse pehle chhup jaate ho...

Main intezaar kar rahi hu tumhara

Besabri se..

Tumse kitni kathaye kehni hai

Mere kate hue kaleje se behte hue khoon ki baatein batani hai

Mere ashq jo ab beh nahi rahe, uski wajah sunani hai

Chaand tum kaha chale gaye ho?

Main tumhe talaash rahi hu

Mere besabar, bebas mann ki manogatha toh samjho

Tumhare alava yaha koi nahi mera..

Haan haan woh yaar bhi nahi hai jisne mujhse lambe safar ka wada kiya tha, chidhao mat!!

Tum bhi toh ab nahi nazar aa rahe ho

Suno!!

Pariksha mat lo na meri

Main uss haal me nahi

Kiske sahare ye raatein bitaun main?

Ek tum hi toh ho jo door hoke bhi meri paristhiti samajh sakte ho...

Ab kya tumne bhi mujhy akela, apne haal pe chor diya hai??

Kyu ye khel khel rahe ho mere bhole mann ke saath

Ab aa bhi jaao saamne..

Me apni khidki ke bahar sar uthakar tumhe hi toh dhund rahi hu!!!

Mujhse mere yaar ne bhi muh pher liya hai

Ab imtehaan lena band bhi karo

Chaand... Suno..... Saamne aa jaao na?

By Fatema Rajkotwala