Beparvaah

By Siddharth Bhoot

https://youtu.be/ViqyQgZSrJo

Befizool gam ke vajah kai hain aaj,

Chal kisi anjaan gali mein khushi failaate hain,

Insaan beparvaah hain,

Chal zara si muskan baant aate hain...

Mausam apne rang badal raha hain aaj,

Chal kisi bepanah ke toote aashiyane mein rang bhar aate hain,

Insaan beparvaah hain,

Chal zara si muskan baant aate hain...

Kamzori si mehsoos ho rahi hain aaj,

Chal kisi pyaase ki bhookh bhi mitaate hain,

Insaan beparvaah hain,

Chal zara si muskan baant aate hain...

Sard ki nami jakad rahi hain aaj,

Chal kisi nange ko apnepan ki garmaahat odh aate hain,

Insaan beparvaah hain,

Chal zara si muskan baant aate hain...

Insaaniyat ki keemat ghat rahi hain aaj,

Chal iss bheed ko firse insaan banaate hain,

Insaan beparvaah hain,

Chal zara si muskan baant aate hain...!!!

By Siddharth Bhoot