Basavavivek

By Gurusiddeshwar M Badiger

ವಿರಹದ ಕಿಡಿಯ ಮಾತು

ಸಣ್ಣ ಗಾಯವನು ಮಾಡಿತು

ಮನದ ಭುವಿಗೆ

ಬಾರದ ಮುಗಿಲಿನ ಮಳೆಯಂತಾಯಿತು

ಸೊಬಗಿನ ನಿನ್ನೆಯ ಸುದಿನ

ಮೋಡದ ಮರೆಯಲಿ ಮೂಡಿತು

ನಗುವ ಮೊಗದ ವದನ

ಬಾಡಿದ ಹೂವಂತಾಯಿತು

ಕಂಗಳ ತವಕದ ಬೇಗುದಿಗೆ

ವೇಗದಿ ಕಂಬನಿಯು ಹಾರಿತು

ನೆನಪುಗಳ ವಿರಹದ ಹಾವಳಿಗೆ

ಮನದ ಮನೆಯೇ ಹಾರಿತು

ನೊಂದ ಪುಟ್ಟ ಹೃದಯ

ಮುನಿಸಿನ ಗೀತೆಯ ಹಾಡಿತು

ಮನದ ದುಗುಡವ ಕೇಳಿ

ಹಸಿರೆಲೆ ಸಾಂತ್ವನ ಹೇಳಿತು

ಹೃದಯ ಸ್ಪರ್ಶವ ಇಣುಕಿ

ಸ್ವಪ್ನ ಕಂಬನಿಯ ಮಿಡಿಯಿತು

ಒಲವಿನ ವಿರಹದ ಕವನ

ಕಡಲ ತೀರದಿ ತೇಲಿತು

By Gurusiddeshwar M Badiger