Badhna Toh Hai Hi Ek Din...

By Doyir Riram

Jald badhne ki chaah kyun ?

Itni si hokar, itna kuch paane ki aah kyun ?

Abhi zindagi ji hi kitni hai tumne

Theek se chalna seekha bhi kitna hai tumne.

Bas chaar dino ka bachpan hai

Seekho pehle jeena ise

Badhna toh hai hi ek din.

Pakad na paongi hamesha haath tera

Rehega na saath maat-pita ka sada

Nivale pe nivala khud hi ko khilaoge

Loreeya bhi raaton ko sunn na paoge

Jab tum jald badhe ho jaoge

Godh ko hamare taras jaoge.

Chalegi na manmani teri

Na chalegi shaitaaniya

Khwahishiyon ke mehlo ko bhi

Khud deewar uthana parega

Agar utha na paaye bhi toh akele

Dilase mai peeth thap-thapana parega.

Aati hai khathinaiyaa kabhi

Kabhi aati hai nirasha

Leti pariksha kadam-kadam par

Yehi jiwan ki gaatha

Din hoga tera bhi aisa

Jaha deni paregi pariksha.

Bas chaar dino ka bachpan hai

Seekho pehle jeena ise

Badhna toh hai hi ek din.

By Doyir Riram