Bachpan

By Anam Fatma

Kahan aa gaye hum is duniya ki uljhano mein ,

Vo bachpan hi hamara pyaara tha,

Mast maula bankar ghumte the,

Kisi chiz ki fikar nahi thi,

Kagaz banake Pani mein jahaz terate the,

Dusro ka Bell bajake furrr se bhaag Jaate the,

Jiska bat uski setting hoti thi,

Umpire se hamari gola ki setting hoti thi,

Saare superheroes me, Shaktimaan hi favourite tha,

Shakalaka boom-boom ki magic pencil dekh hazaron khwab dekhte the,

Tab zindagi bohat hi simple aur haseen thi ,

Kisi cheez ki fikar nahi thi,

Fikar krne ki umar nahi thi.

Raja,police,chor,sipahi,

Name,place,animal,thing,

Se apna alag hi ek emotion tha,

Ringa-ringa roses ho ya aao milo silo-salo,

Har ek game khelne ka maza hi alag tha.

Wo cartoons hi the jisne hamara bachpan rangeen banaya tha ,

Bheem ho ya Ninja Hattori,

Aankhein phaad gaur se dekha krte the.

Sabka pyaar aur laad kuch zyada hi milta tha,

Subah school jate wakt 2 rupay mil jaane par bohat khush ho jate the,

Gudda-guddiya ka khel ho ya ghar-ghar khelna,

Ye khel bhi tab bade hi gambhirta ke sath khele jaate the,

Birthday’s par school toffees le jane ki zid thi,

Bestfriend ko char, aur baki ko do-do

Ghar ke kapde pehan kr school jaana,

Aur sabke muh me apni hi zikr thi.

Kadi dhup me bhi beparwaah khelte the,

Shayad tab hum zindagi ko jina jante the,

Pogo pe Mad ka intezar karna,

Raat me power-rangers aur Takeshi’s castle se alag hi pyaar tha,

Raat me sofe pe sokar aankh bedroom me khulti thi,

Ye magic roz roz kaise hota tha bas yahi sochte the,

Kisi bhi baat par vishwas kr lete the,

Ajeeb sawal jawab ka kissa dimag me chal raha hota tha.

Tab mauj bhari zindagi thi,

Aaj zindagi bhi ek bojh hai,

Baste tab bhari the, dil halka sa tha,

Aaj baste halke ho gye hai, dil bhari bhari sa hai,

Kitne galat the hum, kab bade honge bas isi baat ki fikar thi,

Ab jab bade ho gye, toh bachpan me lautne ka mann krta hai.

Jhut bolte the phir bhi sache the hum,

Ye un dino ki baat hai jab bacche the hum,

Rone ki wajah bhi na thi,

Na hasne ka koi bahana tha,

Kyu ho gye hum itne bade,

Wo bachpan hi hamara pyaara tha.

Tab pubg wagera nahi tha,

Sudoku aur vice City hi krna mushkil tha,

Aaj ke bachon ka bachpan Kahan waisa hai,

Shukar kro apna Bachpan, Bachpan jaisa guzra hai.

By Anam Fatma