Aurat

By Anam Fatma

Sadiyon se hi yeh reet chali aa rahi hain ,

Beta hai toh Khushi aur beti par matam manaye jaa rahi hain.

Pairon ke neeche uske rakhi khuda ne jannat ,

Kabhi kehlati ladki , toh kabhi kehlaye aurat.

Kabhi beti , behen , biwi ,maa bankar apna farz hai nibhati ,

Haalaton se bebas ho kar chup – chap sab kuch sehti jaati .

Zindagi ke kis padaav pe usne apni khushi se faisla kiya hai.

Jisme gharwale khush usi mein apne dil ko raazi kiya hai .

Aurat ki kamai se shaan inki hai ghatt ti,

Kare ghar bahar dono me kaam phir bhi Marzi inki nahi chalti.

Kyun betiyon ke hone par baap kahe unhe ibrat,

Sirf ladka paida ho maa kyun maane aisi mannat.

Pankh phailake bas udna hi vo chahti thi ,

Zyada nahi bas padhna hi vo chahti thi .

Baar – baar gharwale kehte tu hai paraya dhan,

Apna ghar bhi kabhi apna na lage ,lage paraya ghar.

Pabandiyon me ghiri inki zindagani,

Har waqt sab rakhe ispe nigraani .

Kya gunah hai ki dekhe usne sapne ,

Toote ya toh sapne ya rooth gaye apne .

Raat Hui ab akele bahar nahi jaana ,

Mahaul thik nahi bahar khudko dhak kar jaana.

Bachpan se sunte dusre ghar tumko hai jaana,

Zabardasti ke rishte bhi pada usko nibhana .

Aaye din aayi khabrein hua us ladki ka balatkaar,

Chehre pe phenk diya acid kyunki kiya tha usne inkaar.

In zaalimon ke karan duniya chor kar vo chali gayi ,

Aur kayi ladkiyaan aisi ke vo zinda toh hai par marr gayi.

Haiwanon ne cheeni uski izzat , cheeni uski zindagi ,

Phir bhi lage ilzaam apki ladki kapde choti thi pehni.

Kaanp jaati meri runh jab yaad aati Nirbhaya rape case ,

Kyun sakht saza nahi milti Jin logo ne pahuchaya uske maa baap ke aatmasamman ko thes.

Jab kapdon ko karan batati hai yeh samaj ,

Toh kyun bhul jaati hai aanth saal Asifa wala gang rape,

Haiwaniyat ka mukhat odhe shaamil yaha hai apne ,

Kis kis se bache kispe kare bharosa zindagi lage jaise cage.

Saare farz use apne farz lage ,

Ye zindagi bhi use karz lage .

Har ek insaan use khudgarz lage ,

Uska marz bhi kisi ko na marz lage .

Zindagi ki daldal mein jee rahi yeh aurat ,

Kyun bhul jaate log Saraswati , Durga , Laxmi maa bhi hai aurat.

Mard kare ghamand kis cheez ki aaj rashtrapati bhi bani ek aurat,

Jhuthi shaan me jeete jo log kyun bhul jaate ki tuje duniya me laane wali bhi thi ek aurat.

By Anam Fatma