Albela Ikraar

By Sabyasachi Sarma

Na main Mathura ki shaan, na Vridavann ki jaan ho tum

Maana na Keshav na Madhav main

Par Radha jaise meri prem ho tum

Na basuri kabhi bajayi maine, na uski dhunn main kabhi khoyi ho tum

Maana Murlidhar nahi main

Par Radha jaisi hi meri preet ho tum

Magar, hoon aakhir ek insaan hi nahi koi bhagwaan main

Radha bin toh Shri Krishna bhi adhoore

Tumhare bina kya khak hoon main

Na Bhagvad ka koi shlok main, na Krishna ki koi vani tum

Phir bhi ilteja tum hi se yeh

Sirf Radha nahi meri Rukmini bhi ban jana tum.....

By Sabyasachi Sarma